Skoleprosjekt

              

 

Forord
Hans Seland (1867–1949) var i si tid ein kjend forteljar, forfattar, lokalhistorikar og samfunnsdebattant. Han blei fødd på garden Seland i tidlegare Nes kommune ved Flekkefjord. Kulturlaget Seland feirar mannen og verket ved å gi ut ei bok med forteljingar frå tre av barnebøkene hans.
Laget tilbyr boka i digital form til grunnskolar på Sørvest- landet og vidare så langt interessa rekk, slik at barn i dag kan møta bygdelivet på slutten av 1800-talet, presentert gjennom Selands levande tekstar.
Denne boka inneheld det meste av Prinsesse Gullsko og systrene hennar, Hans Selands viktigaste barnebok. I tillegg inneheld boka kortare utdrag frå Dagros og andre dyr og Ivar den spake.
Prinsesse Gullsko og systrene hennar kom ut på Alb. Cammer- meyers Forlag i 1901. Nye utgåver kom på Olaf Norlis Forlag i 1927 og på Noregs Boklag i 1967. Ilon Wikland illustrerte ei svensk utgåve på forlaget Gleerups i 1962 og den norske boka i 1967. Kunstnaren har godkjent bruk av nokre teiknin- gar i denne boka.
Dagros og andre dyr blei publisert av Olaf Norlis Forlag i 1907 og i 1924. Adolph Tidemands bilde Ku med horn er hen- ta i 2019 frå det opne digitale arkivet til Nasjonalmuseet for kunst, arkitektur og design.

Ivar den Spake blei publisert av Olaf Norlis forlag i 1916 og i 1939. Teikninga av Ivar, signert IK–39, illustrerte utgåva som kom ut dette året.
Omslagsbildet er måla av tyske Frida Hoeck Rusti (1861– 1963). Ho gifta seg med den norske målaren Olav Rusti i 1893, og paret budde for det meste i Bergen. Olav og Frida besøkte Seland mange gonger og måla bilde med motiv frå garden. På bildet ser vi Hans Seland og døtrene Målfrid og Solveig. Bildet minner om ei eventyrstund i Prinsesse Gullsko og systrene hennar. Hermund Seland eig bildet.
Vi takkar Svein Slettan, førsteamanuensis i nordisk litteratur ved Universitetet i Agder, for at han har valt ut forteljingane og omsett dei til moderne nynorsk.

Takk og til Vest-Agder fylkeskommune som støtta publiseringa økonomisk.

Seland/Flekkefjord august 2019
Nils Seland
Hans I. Seland

Her kan du gratis henta boka digitalt i to ulike format:
1. Epub-format   (for e-boklesarar, nettbrett og anna).
2. Pdf-versjon av boka for nedlasting

3. Brev til skolen

4. Utkast til undervisningsopplegg